لنجعل خياراتنا صحية "سناك صحي"

 

 

 

السلام عليكم

 

 

 

 

كثير من الأحيان نكون مشتهين سناك اوشي نحلي بيه بعد الأكل مثلا

 

او حتى إحنا جالسين عاللاب توب نتصفح او نشوف التي في أو مع القهوة

 

نشتهي نأكل شي

 

فدائما نلجأ للخيارات الغير صحية زي ألواح التشوكلت الأيس كريم  النوتيلا الدونات الكيكات

 

الحلويات اللي ميانة دريم ويب وقشطة وكريمة خفق وووو

 

 

دماااار شامل على جسمنا!!!

 

 

واخر شي الوحدة تشتكي من السمنة وتبغى تنحف في غضون شهر عشان عندها مناسبة

 

 

 

ليش من البداية مانجعل خياراتنا صحية

 

 

المهم

 

 

اليوم محضرة لكم سناك صحي ومفيد وسريع ما يأخذ وقت ولا مجهود حتى

 

 

 

نحتاج إلى:

 

_لوز

 

_كاكاو بودرة محلاة  تقدري تستخدمي كاكاو نسكويك او كادبوري

 

اللي بتعمل حمية تقدر تستخدم كاكاو غير محلا + سكر الحمية او محلي ستيفيا

 

_ علبة فاضية

 

انا هنا أستخدمت كاكاو طبيعي مع سكر طبيعي

 

 

طبعا كلنا نعرف فوائد الكاكاو البودرة للبشرة والجسم  يكفي انها غنية بمضادات الأكسدة

 

اللوز : يحتوي على فيتامينات ومعادن ودهون  مهمة للبشرة والشعر وسلامة الأظافر

 

كما انه يحتوي على ألياف تشعرك بالشبع بسرعة

 

 

 

ناخذ حوالي ملعقة صغيرة لكل نص كوب لوز

 

 

ونخلطه كويس ,,, ويصير عندنا أحلى سناك صحي

 

 

ملاحظة: تقدري تستبدلي الكاكاو بقرفة مطحونة او ممكن تضيفي كاكاو وقرفة

 

 

نحفظه في المطبخ او جانب التي في او اللاب توب عشان كل ماحسينا بالجوع ناكل منه

 

 

أتمنى أستفدتوا



 

 

 

كريم الخيار للعناية بمحيط العين

السلام عليكم

 

 

اليوم تدوينتي من وحي الطبيعة

 

ماأحلاهاااا

 

 

 

كلنا نحب الوصفات الطبيعية لسهولة عملها وتوفرها في البيت

 

يقولوا "ان جمال المرأة من مطبخها"

 

بس معروف ان الوصفات الطبيعية تاخد وقت إلين يظهر مفعولها

 

يعني من 4 لـــ 6  شهور او سنة

 

أستمري عليها وراح تشوفي نتايج تبهرك مع الإستمرار

 

مو تستعمليها اسبوع او اسبوعين وتطفشي

 

لأ

 

 

الوصفات الطبيعية بيغالها طولة بال وإستمرار

 

 

 

نبدأ بسم الله

 

كريم العناية والترطيب لمنطقة حول العين

 

 

 

 

 

 

 

مميزات الكريم:

 

_ يحتوي على ماء الخيار وكلنا نعرف قد

إيش الخيار مفيد لمنطقة حول العين مفيد للهالات السوداء

يمنع تكون الخطوط الدقيقة

يرطب المنطقة ويمنع الجفاف

 

_يحتوي على فيتامين سي وفيتامينات أخرى

 

 

 

_ الجليسرين: أستعملت الجليسرين هنا عشان أحفظ المنتج لمدة أطول عشان مايخرب او يتعفن

وكذلك لترطيب المنطقة

 

 

زيت فيتامين اي: فعال لتجديد المنطقة المحيطة بالعين

يزيل الخطوط الدقيقة

يخلصك من الهالات السوداء ويمنع ظهورها

 

 

لصنع الكريم:

 

نحتاج إلى:

 

 

 

 كوب خيار مقطع صغير

زيت فيتامين اي

جليسرين سائل

 

 

زجاجة "رول اون" لحفظ المنتج

 

 

 

 

 

 



 

الخطوات!

 

نطحن الخيار كويس إلين ماتطلع مويته لأننا نحتاج ماء الخيار في الوصفة

ونجيب مصفى او صفاية ونصفي ماء الخيار من الشوائب

 

شوفوا الكمية اللي حصلت عليها من ماء الخيار  تقريبا اقل من ربع كوب

 

 

نفتح الزجاجة ونحط 4 قطرات من زيت فيتامين اي و4 قطرات من الجليسرين ربع العلبة

 

والجزء الباقي نضع ماء الخيار 

 

 

 

 

 

 

طريقة الحفظ والإستعمال:

 

 

 

 

_يحفظ في درجة حرارة الغرفة العادية او تقدري تحفظيه في الثلاجة لو كنتي تعاني من إنتفاخ منطقة العين بعد النوم حطي منه بعد ماتقومي من النوم راح تلاحظي ان المنطقة اتحسنت مع الأستعمال وخف الإنتفاخ

 

_ أستعملية في الصباح وقبل النوم وقبل الميك اب لترطيب المنطقة

 

_ أستعمليه على منطقة نظيفة وجافة

 

 

_ راح يجلس معاكي من شهر إلى شهرين

 

ماسك الكاكاو والشوفان لنضارة البشرة

السلام عليكم

 

اليوم محضرة لكم ماسك للبشرة بمكونات طبيعية فعالة وآمنة

 

 

أيش مميزات الماسك !

 

صار لي مدة أستخدمه تقريبا شهر وشفت نتائج مبهرة جدا ماشاءالله

 

طبعا اللي يتابعني يعرف اني مولعة بالكاكاو البودرة احبه كشراب طبعا مايحتاج أقولكم قد إيش مفيد للبشرة والجسم بشكل عام

بمجرد ماتشمي ريحه الكاكاو على وجهك تحسي براحة وإسترخاء عجيب

 

الزبادي برضو احبه جدا يعتبر السناك المفضل لي

 

الشوفان من احب الأطعمة يعتبر صديقي عالفطور

 

 

 

 

الماسك يحتوي على:

_الزبادي: مفيد للبشرة يعتبر مرطب طبيعي للبشرة يحتوي على عدة فيتامينات مفيدة للبشرة يفتح  البشرة مع تكرار الإستعمال ويمنحها مظهر وملمس طفولي

 

_الشوفان :يحتوي على فيتامينات ومعادن وبروتين تمتصها البشرة بسهوله وطبعا  يعتبر مقشر مطهر طبيعي للبشرة معروف انه يدخل في صناعة كثير من مرطبات البشرة الجافة والحساسة

 

_الكاكاو : يساعد على محاربة علامات تقدم سن البشرة كما انه يمنح رونق ونقاء للبشرة  بفضل إحتوائه على كمية كبيرة من مضادات الأكسدة 

 

 

نحتاج إلى:

 

4 ملاعق كبيرة زبادي

4 ملاعق كبيرة شوفان مطحون

1 ملعقة صغيرة كاكاو بودرة غير محلى 

 

زجاجة أوعلبه نظيفة لحفظ المنتج

 

 

 

 

 

 

 نخلط الزبادي مع الشوفان كويس

 

 

نضيف الكاكاو البودرة على الزبادي والشوفان اللي خلطناهم

 

 

 

 

 

 

 

ونرجع نخلط كويس

 

 

 

 

 

 

 

 

 

 

هنا الماسك صار جاهز للإستعمال

 

نحطه في زجاجة محكمة الإغلاق عشان يجلس معاكي أطول فترة ممكنة من غير مايخرب

 

 

 

 

 

 

 

 

طريقة الأستعمال والحفظ:

 

_ حطيه في وجهك مع تجنب منطقة محيط العينين عشرة دقايق إلين يجف بعدين غسليه كويس بمويه دافيه ورطبي بشرتك بعدها بمرطبك المفضل

 

_إستعملي ملعقة نظيفة إذا جيتي تاخذي من الماسك كل مرة

 

_استعلميه كل يوم او يوم بعد يوم أو قبل الميك اب لنتائج مبهرة

 

_ أحفظيه في الثلاجة راح يجلس معاكي تقريبا من أسبوعين إلى ثلاث اسابيع

 

 

 

مفضلات شهر مايو2013

 

السلام عليكم

 

 

هاذا اول ريفيو عن مفضلاتي

 

طبعا راح يكون في نهاية كل شهر إذا ربنا أراد تدوينه عن المفضلات راح أشارككم الأشياء اللي أعجبتني في خلال الشهر

 

حتى تستفيدوا

راح أقولكم ايش أعجبني وايش اللي ماأعجبني طيلة أيام الشهر

 

 

نبدأ بسم الله  

 

 

 

 

هاذي صورة جماعية للحلوين

 

 

شور جل من باث اند بودي ووركس من مجموعة twilight woods

 

بودي بتر من نفس المجموعة

 

واقي شمس

 

لب بالم من باث اند بودي ووركس

 

شمعة من باث اند بودي ووركس

 

روج من ماركة نكس

 

 

المفضلات العشوائية

 

كوب

 

قرانولا

 

 

 

 

 

 

 

أول شي المفضلات الجمالية  او (العناية بالبشرة)

 

_واقي الشمس ماركة KIBIO

 

 

 جميل  يحتوي على لون خفيف مناسب للبشرة الجافة من مكوناته زيت جوز الهند المرطب للبشرة والكركم يعمل كواقي من الشمس

 

_لب بالم مرطب للشفايف لاحظت مع الإستعمال انه بنفخ الشفايف شي بسيط جدا لأنه يحتوي على سكر

 

لما تحطيه على شفايفك تحسي كأنك تاكلي حلاوة لإحتوائة على السكر

 

 

 

_روج نكس من أجمل الأرواج اللي استخدمتها الشهر اللي فات

 

مات وثابت ولونة رايق وناعم ويناسب أغلب اللوكات الهادئة

 

 

 الروج إسمه : اسطنبول

 

 

 

 

 

 

 

 

 

خواتم صغيرة من كيوت تتلبس  زي كدا من كليرز

 

واحد على فيونكة والثاني على شكل لب

 

أدمنتها هالشهر وتقريبا يوميا ألبسها

 

في منها ألوان

 

 

 

 

 

 

 

 

 

 

 

المفضلات العشوائية:

 

 

_شمعة من باث اند بودي ووركس

 

ريحتاها شي جمييييييييل جدا ادمنتها اسمها ميري كوكيز

 

ريحتها كوكيز مع فانيلا

 

بس انتبهي لا تاكليها من حلاوتها

 

 

هاذي ثاني علبة أشتريها  وبرجع أشتريها كمان

 

 

 

_كوب مويه

 مرات أنسى او انشغل اشرب مويه فلما أعبي هاذا الكوب وأحطه قدامي غضبا عني لا شعوريا بأحس نفسي بأشرب مويه

ضروري بنات تشربوا مويه

 

 

 

 

 

 

 

_واخر شي قرانولا ثن  لذيذ جدا أكله كل يوم كسناك يحتوي على 90 كالوري بس

خفيف وماينشبع منه

 

 

أتمنى تكونوا أستمتعتوا,, لو عندكم أي استفسار أتفضلوا ياحلوين

 

 

ريفيو عن بي بي كريم "اولاي"+غارنييه وميبلين

السلام عليكم

 

 

 

غبت كم يوم عن التدوين ورجعت لكم بشوق

 

 

اليوم بتكلم عن منتج أنتشر في الآونة الأخيرة وعمل ضجة كبيرة

 

اللي هو (البي بي كريم)

 

سبق وتكلمت عن بي بي كريم سماش بوكس

 

 

هنا

رابط ثابت تلقائي
رابط ثابت مخصص

.html

رابط العنوان ؟

روابط تضمين ؟

إضافة رابط ضمني آخر

 

 

 

 

 

حابة أذكر لكم تجربتي عشان اللي بتشتري تكون عارفة عن المنتج وعندها علم بيه

 

وبرضو تشوفي مميزاته وعيوبه

 

 

راح أتكلم عن 3 منتجات من 3 شركات مختلفة

 

 

 

 



اول شي

 

اولاي بي بي كريم

 

 

يتوفر منه درجتين بس

 

مناسب للبشرة العادية إلى الجافة ,لو كانت بشرتك دهنية ما راح يناسبك

 

 

 

نسبة ترطيبه عالية جدا تغطيته خفيفة يرطب أكثر مما يوحد اللون

 

 

ينفع لو كنتي قاعدة في البيت وتبغي ترطبي بشرتك مع لون خفيف

 

او طالعة طلعة بسيطة مثلا: مستشفى, سوبر ماركت, او حتى للمدرسة او الجامعة

 

يعطي لوك ديوي

 

 

عيوبه:

 

خفيف جدا,لازم تعيدي عليه كل ساعة لأنه يختفي مدري فين يروح

 

 

سعره:

 

 

13 دولار

ميبلين بي بي كريم

 

 

يتوفر منه 8 درجات أتوقع

 

جميل أكثر بي بي كريم عجبني

 

مناسب لجميع انواع البشرة

 

ثباته تقريبا 3 ساعات 

 

تغطيته من خفيفة إلى متوسطة

 

يحتوي على إس بي إف

 

 

يعطي لوك ديوي

 

 

 

سعره:

 

 

10 دولار 

 





 

 

غارنييه بي بي كريم

 

 

أكثر منتج أنشهر أتوقع

 

 

 

كلنا سمعنا بيه

 

كثير من البنات ماعجبهم

 

متوفر منه درجتين

 

رأيي:

 

مناسب للبشرة الجافة إلى الجافة جدا

 

تغطيته من خفيفة إلى متوسطة

 

 

سعره:

 

 

13 دولار أتوقع

 

 

عموما!!

 

البي بي كريم  مايغني عن كريم الأساس لأن تركيبتها خفيفة مهما كانت

 

البي بي كريم مناسب للبيت

 

لو كنتي تحتاجي فل كفرج  جربي تحطي بي بي كريم "بيس"  وفوقه كريم الأساس

 

 

 

 

XOXO

 

 

 

 

 

سيروم INTENSIVE SKIN SUPPLEMENT

 

 

 

 

السلام عليكم

   

 

ضروري انك تهتمي ببشرتك حتى لو كنتي صغيرة بالعمر عالأقل أهم شي :

 

_الترطيب

_شرب لترين مويه في اليوم

_ استعمال" واقي الشمس" حتى لو كنتي جالسة في البيت حطي واقي شمس لأن أشعة الشمس بتدخل من الشبابيك

_ النوم الجيد

 

 

 

  

 

 

تدوينتي اليوم جمالية عن سيروم من بوبي براون

اسمه:

BOBBI BROWN INTENSIVE SKIN SUPPLEMENT

مصل متعدد الفوائد يساعد على محاربة علامات تقدم البشرة و الخطوط الدقيقة الناتجة عن الجفاف

 

 

 

 

اول شي انا من عشاق ماركة بوبي براون

 

يعجبني كل شي فيها من مكياج الى العناية بالبشرة

 

طبعا عندهم لاين عن العناية بالبشرة لايعلى عليه

 

وتناسب جميع أنواع البشرة

 

 

 

الشكل الخارجي للمنتج:

 

يهمني جدا شكل المنتج من الخارج مرات بشتري أشياء بس عشان شكلها جميل من الخارج

 

بعرف غلط!!!

 

بس الحمد لله تجاربي كلها جميله معاها

 

تعليبه جميل عبارة عن زجاجة تحافظ على المنتج لمده أطول

 

 والأحلى انو المنتج صالح للإستخدام سنتين بعد تاريخ الفتح

 

 

 

 

 

 

ماهو السيروم !

 

السيروم عبارة مستحضر سريع الإمتصاص مركب من مواد مركزة جدا تخترق البشرة بمفعولها

يعني بتدخل لطبقات الجلد العليا  لتجدد الخلايا  وتحافظ عليها

 

برضو بيساعد على تغلغل الكريم المرطب

 

لو كنتي بتشتكي ان الكريم اللي بتستعمليه مابيرطب كويس

جربي تستخدمي سيروم قبله

 

 

أيضا السيروم بيحمي البشرة وبيحافظ عليها من علامات تقدم سن البشرة و الشيخوخة

 

دايما معروف ان السيروم سعره مرتفع عن الكريم المرطب لفوائده الكثيرة للبشرة

 

 

 

لو كانت ميزانيتك محدودة

 

دايما اشتري سيروم من ماركة معروفة والكريم المرطب تقدري تاخذيه من الدرق ستور(الصيدليه) لأن السيروم هو اللي بيغذي البشرة

 

اما الكريم بس بيرطب البشرة ويحميها من الجفاف

 

 

 

المكونات الفعالة في سيروم بوبي براون:

 

_مستخرج من فاكهة العنب,يساعد على صفاء ونقاوة البشرة ومحاربة الشيخوخة

_بيرش الشجر,يقلل من الخطوط الدقيقة

 

طريقة الإستعمال:

 



قبل الكريم المرطب في الصباح وفي المساء قبل النوم

 

قطرتين او ثلاث قطرات تكفي كامل الوجه

 

 

 

 

 

سعره:

 

70 دولار

 

 

 

 

مكان الشراء:

 

سيفورا

 



غذي بشرتك من الداخل (شراب الأفوكادو)

السلام عليكم

 

أكيد كلنا نحب بشرتنا  وننفق أموال طائلة لشراء الكريمات وأدوات تجميل البشرة

بس عمرنا مافكرنا انو نتهم ببشرتنا من الداخل,, البشرة قبل ماتتغذى من الخارج لازم تحافظ عليها من الداخل بالأكل السليم والرياضة والنوم والحالة النفسية الجيدة كل هاذي الأشياء تأثر على البشرة

 

 

 

فلسفة صحيحة!

 

 

 

اليوم جايبه لكم

"مشروب" اويعتبر كسناك لذيذ و يشبع يميي وهليثي

 

الأفوكادو من روتيني الأسبوعي ضروري أكله سواء كشراب او مع السلطة او كطبق جانبي مع الأكل

 

 

كثير منكم يتخوف من الأفوكادو عشان الدهون اللي فيه , صحيح ان الأفوكادو من أكثر الفواكة اللي تحتوي على دهون بس!!!

 

دهون أحادية غير مشبعة  خالية من الكوليسترول

مهمة جدا لسلامة البشرة وحمايتها ومهمة لسلامة القلب

غنية بفيتامين E

اللي يعتبر من الفيتامينات المضادة للأكسدة

ايضا  تحتوي على فيتامين B

وأملاح ضرورية للجسم

 

 

 

مشروبنا اليوم سهل جدا مايحتاج اي شي

وتقريبا المقادير متوفرة في البيت

 

 

نحتاج إلى

_كوب حليب

_ربع افوكادو مقطعة

_ملعقتين كبيرة عسل  

_ خلاط خاص بالعصيرات

 

 

نضع جميع المكونات في الخلاط ونخلط

 

 

 

قدميه في كأس او كوبك المفضل وأستمتعي

ملاحظة،،تقدروا تستبدلوا الحليب بالكريمة أو ايس كريم بالفانيلا  

أتمنى أنكم أستفدتوا

مناكير ميبلين (color show)

 

 

السلام عليكم

 

 

ياترى مين ماتحب المناكير!!

 

 

أتوقع مافي بنت ماتحب تحط مناكير بإختلاف درجاته وألوانه

 

كلنا نعشق شي اسمه مناكير

 

 

ذوقي في المناكير أحب الغوامق أكثر من الفواتح تناسبني أكثر و أحسها تحلي اليد وتبرز جمالها

 

 

وتناسب الكل يعني لو كنتي سمراء او بيضاء يناسبك المناكير الغامق بس أختاري درجة كويسة قريبة للونك

 

 

عموما  انا أحب اللون الأحمر بدرجاته والزهري الغامق والفوشي الغامق ومن الفواتح أحب اللون النيود

 

 

طبعا هاذي الألوان تلازمني في جميع فصول السنة بس اغير بالدرجات يعني في الشتا اغمق اللون أكثر وفي الصيف أفتحها

 

او بما يتناسب مع اللوك ككل

 

 

 

ريفيو اليوم عن مناكير ميبلين أشتريتهم قبل أسبوع وماقدرت ما أسوي عنهم ريفيو عشان تشوفوها

 

 

 

 

الكوليكشن اسمه

MAYBELLINE

COLOR SHOW

 

 

هادي شكلها وأسمائها مع الأرقام

 

 

أخترت هادي الثلاثة ألوان

 

PINK SHOCK 200

CORAL CRUSH 190

PANT THE TOWN 260

 

طيب خليني أقولكم رأيي بمناكير ميبليين بشكل عام أول ماجربتهم

 

هاذي أول مرة اشتري مناكير من ماركة ميبلين  شفتهم معروضة في ستاند المناكير فقلت نجرب ليش لأ خصوصا ألوانهم كانت فتنة  وجميلة جدا فأشتريهتم

 

 

 

 لما اشتريتهم وجربتهم على ظفري أول ماحطيتهم حسيت إنهم خفيفة يعني يبغالك تحطي كم طبقة عشان توصلي لـــ للون المطلوب

 

 

 

 

 

سويت لكم سواتش

 

انا هنا حطيت طبقتين عشان اغمق اللون ويوضح أكثر

 

حطيت طبقة أولى وأنتظرتها تجف وبعدين حطيت طبقة ثانية

إذا تبغي اللون اغمق حطي 3 طبقات

 

 

 

 

 

أعذروني حاولت أوضح لكم االألوان  قد ماأقدر

 

 

 

لو عجبتكم الألوان وحابين تشتروها حاولوا تسوو بحث وتشوفوا اللون أوضح

 

سعرها:

 

 

3 دولار للوحده

 

 

 

أماكن الشراء :

 

الصيدلية

 

 



مزيل المكياج من "بايوديرما"

 

السلام عليكم

 

تدوينة اليوم مهمة جدا للبنات اللي يحبوا الميك اب

 

كلنا نحب الميك اب وكلنا نحب نظهر بمظهر حلو  يرضينا

 

حتى في اوقات فراغنا نحاول نحط ميك اب ونشوف اذا هذا اللون يناسبنا او لا

 

انا من البنات اللي مغرمة بالميك اب  احبه بشكل جنوني

 

طبعا أحب الخفيف او (الشفاف) اللي مايبين انك حاطة شي على وجهك

 

وبحكم اني احط ميك اب لازم اهتم كيف ازيلوا

 

دائما اذا حطيت ميك اب افكر كيف ازيلوا لأنو ماكان ولا مزيل يرضيني

 

بالذات مكياج العيون والماسكرا هي اللي تتعبني  وتاخذ وقت وجهد إلى ان تزال تماما

جربت انواع كثيرة وبما ان بشرتي جدا حساسة ماتتحمل اي مزيل لازم  تطلع لي حبة او حبتين

جربت اشياء طبيعيه مثل زيت اللوز وزيت جوز الهند بس عيوني حساسة ماتتحمل اي شي

 

 

اليييين لقيت هالشي الجميل اتعب وانا اقول جميل بجد

 

 

 

 

 

 

اشتريت النوع الصغير منه عشان كان عليه عرض

مرررة كتكوتة العلبه:)

 

 

إيش مميزاته؟؟

_مناسب للبشرة الحساسة والجافة

_مطهر ومزيل  لميك اب الوجه والعيون والشفاه

_تركيبته خفيفة مثل الماء تماما لا لون له ولا رائحة

_يستعمل كتونر(قابض للمسام)

_ينظف بعمق( قطرة صغيرة منه تكفيك)

_يحافظ على توازن نسبة الحموضة في البشرة

_خالي من الصابون

_ممتاز للي تعاني من طفح جلدي 

_خالي من العطور والكحول

_من مكوناته ماء الخيار الذي يعمل  كمهدئ للبشرة الحساسة

_إقتصادي (منظف ومزيل مكياج وتونر) بدل ماتشتري منظف ومزيل مكياج وتونر اشتري هذا وراح يغنيك

 

 

 

 

 

طريقة استعماله:

ضعي بضع قطرات على قطنة نظيفة

 

 

ازيلي المكياج بلطف بطريقة المسح الخفيف

 مكتوب على العلبه انك ماتغسيله بس انا افضل انك تغسلي وجهك بعدها عشان اثار المكياج كلها تروح من على وجهك

يصير لما تحطي الكريم المرطب تحطيه على نظافة

 

 

اعطيه

10/10

 

سعره:

الكبير  22  دولار

الصغير 5  دولار

 

مكان الشراء:

 

الصيدليه 

 

 

 

 

وبكذا انتهيت

اتمنى انكم استفدتوا, اي استفسار اتفضلوا 

 

 

إيش في شنطتي (النسخة الصباحية)

 

السلام عليكم  

 

 

 

كيف حالكم ياحلوين؟

 

تدوينتي اليوم مختلفة نوعا ما عن العادة

  

 تدوينة اليوم هي: إيش في شنطتي؟؟

 

 

مافي بنت في الحياة  ما عندها شنطتها الخاصة واللي تحتفظ  بداخلها بأشياء  تخصها سواء كانت شنطة المدرسة او شنطة الخروج اليومية

من احنا صغار عندنا حب التقليد والإقتناء لما نشوف امهاتنا عندهم شنط يجينا حب الفضول والإستطلاع

 

ونقعد نفتش جوات شنطة أمهاتنا عشان نقلد فقط لاأكثر

 

 ولما نروح السوق اول مايلفت نظرنا شنط هيلو كيتي و ميني ماوس

 

 

 

أكيد كل شنطة تختلف عن الثانية بطريقة ترتيبها  او حتى المنتجات اللي تفضلها حاملتها

 

وأكيد شنطة الخرجات اليومية تختلف عن شنطة  المناسبات الليلية

 

 

رأيي

 

بما اني اطلع كثير في فترة الصباح

 ماأحب أخذ معايا أشياء كثير

 فأكتفي بواقي الشمس والمعقم

فلا تستغربوا لو لقيتوا أكثر من واقي شمس

ونفس الكلام لما اكون طالعة بالليل

 

اغير الشنطة  وأغير الأشياء اللي باخذها معايا

طيب نشوف إيش في شنطتي؟؟

 

هادي شنتطي الجميلة  اللي حاليا استخدمها

 

 

 

طلعت الأشياء اللي جواتها

عشان تشوفوا:)

 

_محفظة او بوك من تارقيت (targer)

_ واقي شمس من افين اتكلمت عنه قبل 

هنا

http://elleeverything.blogspot.com/2013/05/blog-post_12.html

_واقي شمس اخر من نيتروجينا 

_ واقي شمس للشفايف

_نظارة شمسية من فورايفر21

_بيت لحماية النظارة من الخدوش من فورايفر21

_عطرLove etc

من ذا بودي شوب

_معقم اليد من باث اند بودي ووركس 

_ مفاتيح البيت أكيد 

 

 

 وهنا الأشياء جهزتها للترتيب داخل الشنطة

 

 

 

 

وهنا بعد ماأنتهيت من ترتيبها ومستعدة للخروج

 

 

أتمنى تكونوا استمتعتوا وأستفدتوا في نفس الوقت

لو عندكم اي استفسار أتفضلوا