مشترياتي من "فكتوريا سيكرت"

السلام عليكم

الأسبوع اللي فات سويت جولة تسوقية في المحل الأنثوي الجميل فكتوريا سيكرت 

وطبعا طلعت بأشياء جميلة وحبيت أشارككم الأغراض لو عجبك شي او لو حابة تجربي شي بس خايفة انا بقولك اذا المنتج حلو او لا ممكن المنتج عجبني بس ماجا على مودك وخايفة تشتري شي وتتورطي ممكن اشياء تعجبك وممكن لا

 اكيد كل وحده عندها ذوقها الخاص 

ملاحظة !

لو حابة تشوفي الصور اوضح اضغطي عليها^^

صورة للأشياء اللي اشتريتهم

يلا نبدأ

  DREAM ANGELS GLOW

اول شي اشتريت هالمجموعة 

جل إستحمام

لوشن للجسم 

عطر

عطر صغير للشنطة

ريحتها شي جميل  اول ماشميت العطر قلت ايوه هاذي الروائح اللي انا احبها ريحته جايه على فواكه مع زهور مع عنبر و مسك

من مكوناته الكمثرى والشاي الأبيض والمسك وعنبر كشميري

والعلبة اللي مكتوب عليها بنك هاذا لوشن للجسم واليدين 

فيه منه 8 انواع 

اللي اخترته

soft and dreamy

ليش عجبني؟

_ يحتوي على فيتامين A_C

_ اللي شدني اكثر العلبة شكلها جميل وكيوت مررة عجبتني "صراحة أقدر التعليب" في المنتجات 

تقدري تحطي اللوشن في المطبخ  جنب الصابون مثلا لو غسلتي يدك عطول رطبيها 

ينفع كديكور بسيط على مكتبك او تسريحتك

_حجمه كبير 500 مل مقارنة بسعره

_"يرطب" وهاذا اللي خلاني اتعلق فيه اكثر واكثر

VERY SEXY TOUCH

ثاني مجموعة غنية عن التعريف اتوقع "فري سيكسي تتش" برضو جل ولوشن وعطر"

من عطوري المفضلة عند فكتوريا سيكرت وهاذي تاني مرة اشتريه

 ريحته تذكرني بأشياء جميلة على قلبي عشان كذا احبه

من مكوناته :

الفواكه مثل" الحمضيات" والفانيلا وزهر منغوليا وجوز الهند مع خشب العنبر

المجموعتين تنفع كهدية جميلة لو بتقدمي لأحد هدية

شنطة كتكوتة صغيرة حبيتها وحبيت ألوانها الأسود مع الذهبي من الألوان اللي أحبها 

عليها تعليقه قلب ومحفور عليه من الجنب اسم فكتوريا سيكرت

هنا صورة أوضح لها حبيتها مررررة للشنطة لو تبغي تحطي ميك اب روج كحل بنس مناديل اكسسوار 

اخر شي لوشن لليد غني بالشيا بتر عموما اي منتج يحتوي على شيا بتر عندي عشق له وعطول اشتريه 

روج لونه احمر خفيف مع شيمر بسيط 

قلوس على شكل لب بيتر

هنا سويت لكم  سواتش اللي فوق الروج واللي تحت القلوس

 عجبني القلوس اكتر انا لما شفته قلت كيف قلوس على شكل لب بتر بس لما جربته صراحة شي رهيب يرطب الشفايف مع لون جميل ويخليها صحيه وطعمه يم يم فرواله 

حجمه كبير شي بسيط منه يعطيكي تورد فوري لشفايفك

خلصت 

لو عندك اي استفسار أتفضلوا^^