السلام عليكم
في يوم من الأيام أشتهيت سناك حلو خفيف
و طرا على بالي أسوي كريب
بما إني ماأكل النوتيلا كثير إلا ماندر يعني كل شهرين مرة فقلت اليوم باكلها
أعرف بنات الله يهديهم كل مااشتهت شي حلو تفتح علبة النوتيلا وتبلع ,,,, مررة غلط وكثرتها تجيب الغثا
حلو الإعتدال في كل شي
عموما الوجبات الخفيفة او السناك دائما ماتتجاوز من 250 الى 300 كالوري
"خلوها قاعدة عندكم "
بنات نصيحة !
حاولي تنوعي بالأكل كلي ماقلت لك ماتاكلي بس نوعي بالأكل
أعتمدي في غذائك بالبروتين المفيد لصحة الأظافر والشعر
سواء جبن او بيض او توفو ووو
حاولي تاكلي أشياء مفيدة أكثر
كلي الخضار والفواكة والزبادي قليل الدسم
وأرجوكم أشربو مويه وحليب قليل الدسم
نرجع للسناك
تقدري تستبدلي النوتيلا بزبدة الفول السوداني نفس السعرات الحرارية لكن زبدة الفول السوداني مفيدة أكثر من النوتيلا
النوتيلا 100 كالوري لكل ملعقة اكل
زبدة الفول السوداني 100 كالوري ملعقة اكل
زبد الفول السوداني قليلة الدسم 90 كالوري لكل ملعقة اكل
هنا انا سويتها بالنوتيلا
السناك تبعنا اليوم تقريبا 300 كالوري
نشوف الطريقة
نحتاج إلى:
_كاس حليب
_بيضة
_نص كاس دقيق أبيض او أسمر
_رشة بسيطة سكر وملح
_رشة صغيرة جدا فانيلا عشان ريحة البيض
صاج تيفال عشان مانبغى نستخدم ولا قطرة زيت الدهون الموجودة في النوتيلا والحليب تكفي
الطريقة:
نخلط المقادير كلها مع بعض ونتركها 5 دقايق عشان المكونات ترتاح شويه وتاخذ وقتها
نصب مقدار معين عالصاج التيفال لحد مايتماسك وبعدين نقلبه عالجهة الأخرى حتى يتحمر ويستوي
نجهز صحن جميل ونزينه بتشوكلت سيروب او كراميل سيروب او حتى فواكه مثل فراوله او موز او بلوبيري عندكم خيارات كثيرة تفننوا وشوفوا
فكرة:
ينفع كوجبة فطور مع كاس حليب او كاس شاي اخضر بليمون او نعناع
بالعافية
الفوائد الغذائية:
دهون
بروتين
كالسيوم
فيتامين دال
كربوهيدرات
اللي ماشافت التدوينات القديمة تضغط عالوصفة
سلسلة الطبخات السريعة والصحية
والله من جد كثرتهآاِ تتججيب الغثااِ مر علي أسبوعَع تقريبا وأنا كل يومَم نوتيلا لححد ممَ كرهتهآاِ!!
ردحذفبس أحيآنَن أشتريها يعني تغيير للروتين ^^
عجبتني طريقتك فِ حساب الكآلوري عآد تصَصدقي أول ممَ شفت العنوآنَ قلت معقولة
ممَ صارت تأكل أكل صحي !! بس بعدين لمّآ إطلعَت عَ الموضوع جدن عجبني
حتى المعلومات الإضافية مرآ إستفدت منهآ =))
أنآ إشتهيتهآاِ من الصورة بسَس بسويها فِ أقرب فرصة إن شاء اللههَ ^^
ربي يسعَعدك ..